БИШКЕК, 10-авг. — Sputnik. Өлкөдө этникалык кыргыздар үчүн жогорку окуу жайларда акысыз билим алууга сынак жарыяланды. Бул тууралуу Билим берүү жана илим министрлигинин маалымат кызматы кабарлады.
Ага Тажикстан, Өзбекстан, Кытай, Түркия жана Казакстанда жашаган этникалык кыргыздар катыша алат. Документтер 30-августка чейин кабыл алынмакчы.
Кошумча суроолор боюнча министрликтин +996 312 621519 номери аркылуу күн сайын саат 14:00дөн 17:30га чейин маалымат алууга болот.
Ошондой эле Тажикстан, Өзбекстан, Түркияда жайгашкан Кыргызстандын элчиликтери менен байланышууга мүмкүн.
Кыргызстандын Тажикстандагы элчилиги. Душанбе шаары, Носиров көчөсү, 56 "А", номери +992 887782223, e-mail: kg@kgembassy.tj;
Кыргызстандын Түркиядагы элчилиги. Элчиликтин атташеси Бегимай Бакытбекке 0312 491 35 06 (07) номери же b.bakytbek@mfa.gov.kg электрондук почтасы аркылуу кайрылууга болот.
Окууга тапшырууга керектүү документтер министрликтин сайтында жазылган.