БИШКЕК, 6-авг. — Sputnik. Министрлер кабинетинин төрагасы Улукбек Марипов Социалдык фонддун төрагасы Жаныбек Орозалиевди кабыл алып, жыл соңуна чейин пенсияны жогорулатуу маселесин талкуулады. Бул тууралуу өкмөттүн маалымат кызматы кабарлады.
Кеңешменин жүрүшүндө аталган фонддун иши, анын ичинде пенсиялык камсыздоонун учурдагы абалы каралган.
"Социалдык фонддун төрагасы Орозалиев үстүбүздөгү жылдын соңуна чейин пенсияларды жогорулатуу механизмдери жана пенсиялык камсыздоо тутумун реформалоонун негизги артыкчылыктары, анын катарында пенсияны чегерүү иштерин жөнөкөйлөштүрүү тууралуу айтып берди", — деп жазылган маалыматта.
Марипов белгилегендей, пенсиялык камсыздоо системасын реформалоо жарандарга карата акыйкаттуу болуп, мурда төлөнгөн суммага шайкеш пенсия менен камсыздоосу тийиш.
