Адис: ысыктан жүздөгөн кишилер кырылып, планета жашоого жараксыз болуп баратат

© AFP 2022 / ASIF HASSANЖайдын аптаптуу күнүндө төөдө кишилер Карачи шаарында (Пакистан)
Жайдын аптаптуу күнүндө төөдө кишилер Карачи шаарында (Пакистан) - Sputnik Кыргызстан, 1920, 09.07.2021
Жазылуу
Yandex newsTelegram
Оксфорд университетинин Айлана-чөйрөнүн өзгөрүүсү боюнча институтунун профессору Фредерика Отто бул күндөрү ысык адамдарды башка жаратылыш кырсыктарындай эле өлтүрүп жатканын айтат.
БИШКЕК, 9-июл. — Sputnik. Быйылкы июнь айы адам баласы климатка көз сала баштагандан берки эң ысык мезгил болуп, өзгөчө Канада жабыркады. Бул тууралуу ВВС жазып, бул мамлекетте жүздөгөн кишилер көз жумганын кошумчалады.
Бирок канча адамдын аптаптан өлгөнүн тастыктап, бирок маалымат кеч берилип жаткандыктан так цифраларды көрсөткөн эмес.
"Быйыл Түндүк Америка, Европа, Россиянын айрым аймактары менен Азиянын кээ бир мамлекеттери ысыктын азабын тартууда. Климатты карап туруучу европалык Copernicus программасы быйылкы жайда ысык боюнча бир топ рекорддор жаңыланганын билдирди", — деп айтылат макалада.
Жара в Москве  - Sputnik Кыргызстан, 1920, 09.07.2021
Дарыгер ысыкта өнөкөт оорулар күч аларын айтты
Ал эми Оксфорд университетинин Айлана-чөйрөнүн өзгөрүүсү боюнча институтунун профессору Фредерика Отто аптаптуу аба ырайы адамдын өмүрүн  башка жаратылыш кырсыктарындай эле алып кетип жатканын айтат.
"Учурда ысыктан улам үйүндө жүрүп билинбей эле өлүп калгандар көп. Антейин десең, көчөдө баратып эсин жоготуп, ошол жерде үзүлүп жаткандар дагы аз эмес", — деди ал.
Мындан улам окумуштуулар жакынкы 10 жылдан тарта эле кургак жерлердин көпчүлүгү чөлгө айланып, атургай планета жашоого жараксыз болуп каларын божомолдоодо.
Жаңылыктар түрмөгү
0