Невролог: смартфон адамдарды пингвинге "айландырууда"

© AFP / ANTHONY WALLACEТелефон кармап бараткан адам. Архив
Телефон кармап бараткан адам. Архив - Sputnik Кыргызстан, 1920, 19.06.2021
Жазылуу
Невролог смартфонду ыгы жок тиктеп отура бербей, мүмкүнчүлүк болору менен кыймылдап турууну сунуштайт.
БИШКЕК, 19-июн. — Sputnik. Смартфондор адамдын физиологиясын бузуп, дененин көркүн кетирет. Бул тууралуу невролог Анна Воронина РИА Новости агенттигине маек берип жатып айтты.
"Азыр адамдар мүмкүнчүлүк пайда болору менен смартфонго тигилет. Бир жерге жөлөнүп, башты алдыга созуп, кабакты бүркөп, курсакты чыгарып бир нече саат бою отура берүүгө дагы даяр. Буга булчуңдар көнүп, бүкүрөйүп, курсак чыгып, далы жабышып, ички органдар кысылып калат. Аялдар үчүн эң кооптуусу — денеге көрк берип, койкоюп турган көкүрөк ары кирип, эркектикинен айырмаланбай калат", — деди Воронина.
Мындан улам адис учурда "пингвин синдромуна" кабылгандар көп экенин айтат.
Мээнин рентген сүрөтү. Архив - Sputnik Кыргызстан, 1920, 15.06.2021
Мээни керексиз маалыматтардан кантип тазалоо керек. Адистин кеңеши
"Азыр көпчүлүк сүрөттөрдү карасаңар, анда адамдардын басымдуу бөлүгүнүн дене түзүлүшү кадимки пингвиндикине окшоп калган. Бул смартфонду ыгы жок көп колдонуунун кесепети. Мунун айынан көкүрөк кыймылсыз катып калып, көп күч белге келет. Ошол себептүү азыр бели ооругандар абдан көп", — деди адис.
Андыктан невролог смартфонду туура пайдаланып, мүмкүнчүлүк болору менен кыймылдап турууну сунуштады.
Жаңылыктар түрмөгү
0