https://sputnik.kg/20210619/kyrgyzstan-koronavirus-gulzhigit-aalievdin-maegi-1052924273.html
COVID "жашарды", бир жаштагы балдар ооруканага түшүүдө. Гүлжигит Аалиевдин маеги
COVID "жашарды", бир жаштагы балдар ооруканага түшүүдө. Гүлжигит Аалиевдин маеги
Sputnik Кыргызстан
Коронавирус жаштарда көп катталып, буга кошумча, симптомдору менен кесепеттери өзгөрүүдө дейт Республикалык клиникалык жугуштуу илдеттер ооруканасынын... 19.06.2021, Sputnik Кыргызстан
2021-06-19T11:27+0600
2021-06-19T11:27+0600
2021-12-15T22:55+0600
жаңылыктар
коом
кыргызстан
коронавирус
жаштар
илдет
оору
коронавируска байланыштуу кыргызстандагы кырдаал
https://sputnik.kg/img/104848/05/1048480501_0:3:1024:582_1920x0_80_0_0_6b8ce02f9bdad88ba1677de674fa4159.jpg
Соңку жумаларда ооругандардын саны өсүп, айрым шаарларда чектөөлөр киргизилди. Саламаттык сактоо жана социалдык өнүктүрүү министрлиги коронавирустун үчүнчү толкуну башталганын билдирген.Sputnik Кыргызстан маалымат агенттиги Бишкектеги инфекциялык оорукананын жетекчиси Гүлжигит Аалиев менен баарлашты. Бул жакка "кызыл" зонага кирген борбор калаадан тышкары облустун ар тарабынан бейтаптар келет.— COVID-19 өскөнүн кайрылгандар билдирип жатса керек.— Акыркы он күндүн ичинде бизге келгендердин саны менен ооруканага жаткандар көбөйдү. Мурда бир күндө 20-30 киши жатса, азыр 40ка чейин жетти. Жаш балдар да көп келүүдө. Ушу тапта 20дай бала дарыланууда.— Илдет жуктурган балдардын жаш курагы кандай?— 14 жашка чейинкилер. Эң кичинекейи бир жашка чейинкилер болууда.— Ошондо бөбөктөрдө Кавасаки синдрому аныкталып жатабы?— ПЦР-тест коронавирус деп эле көрсөтүп жатат. Пневмония менен же оору кабылдап кетип түшүп жатышат. Бирок жакшы жери — балдар бат эле сакайып кетишүүдө.— Коронавирус "жашарды" десек болобу?— Ооба, 20-30-40 жаштагылар көп, былтыр мынчалык эмес болчу. Азыр вирусту да оор көтөрүп, кыйналып келүүдө.— Буга коронавирустун башка штаммдары да болуп жатканы себеппи?— Болушу мүмкүн. Илимий изилдөө жүргүзүп аныктаса болот. Оор абалдан чыгаруу да кыйынга турууда. Бешинчи, жаңы протокол менен дарылап жатабыз, ага карабай кыйынчылыктар бар. Коронавирус башка органдарга залакасын тийгизүүдө. Мурда кандын уюшуна алып келет деп так билчүбүз. Азыр мээни жабыркатып, боорго, өпкөгө, бөйрөккө, жүрөккө зыян келтирип жатат.— Симптомдору да өзгөрүп жатыптыр...— Адатта жыт, даам билбей калгандарды ооруду десек, азыр ал да билинбейт, байкалса да башка белгилер менен коштолот. Учурда сасык тумоого кабылгандар аз, бирок сезондук аллергия күч алууда. Аны менен коронавирус бир убакта болсо оору кабылдап кетүү коркунучу бар.— Республикалык клиникалык жугуштуу илдеттер ооруканасында орундар жана дары-дармектер жетиштүүбү?— Жаңы курулган имаратты кошкондо жалпы 400 орун бар, азыр жетиштүү. Биз бишкектиктерди гана эмес, региондон келгендердин баарын кабыл алабыз, себеби дарылоо сапатыбыз жакшы. Толугу менен "кызыл" зонадабыз. Дары-дармек, кычкылтек аппараты жана башка каражаттар жетиштүү. Менимче, былтыркыга салыштырмалуу кырдаалга даяр болуп калдык.— Дарыгерлер кандай тартипте иштеп жатат?— Мурда 14 күн иштесе, кайра 14 күн обсервацияга кетишчү. Азыр медиктердин саны аз, өзүбүздүн оорукананын ак халатчандары дарылоону да жакшы өздөштүрүп алды. Ошондуктан эс алууну жана ишке чыгууну 5 жана 7 күнгө чейин кыскартканбыз. Керектүү кызматкерлер үйүнө барбай да иштеп калышууда, албетте, өздөрүнүн макулдугу менен. Дарыгерлердин бардыгы вакцина алган.— Оорулуулардын тамак ташып келген жакындарын ичке киргизбейсиздер да?— Киришпейт. Тамак киргизип койчу деген суранычтардан улам кызматкерлерди койгонбуз. Алар эки этап менен жеткиришет. Ооруканага кире турган жерден бөлүмгө чейин бирөө, бөлүмдөн палатага чейин башкалар алып кетет.— Оорунун өсүп кетишине өзүбүздүн да күнөөбүз бар деп ойлойм.— Айрымдар кайдыгер мамиле жасап жатышат, ооруга көнө түшүштү окшойт. Азыр деле үйүндө жата берип же элдик медицинанын ыкмасын колдонуп оор абалда келгендер бар. Коронавирустун алгачкы белгилери пайда болор замат медиктерге кайрылыңыздар, симптомдорун жаттагыдай болдук. Баягы эле эрежелер — бет кап тагынып, аралыкты сактап, антисептик колдонуңуздар жана той-аштарды токтото туруңуздар.— Бул суроону бербесем болбойт. Ооруканада бейтаптарга уу коргошунду да сунуштайсыздарбы?— Биз бешинчи протоколдун негизинде гана дарылап жатабыз. Бир гана бешинчи протокол!
https://sputnik.kg/20210618/koronavirus-uchunchu-tolkun-bishkek-beitaptar-chara-dayardyk-1052913481.html
https://sputnik.kg/20210606/oftalmolog-aida-zholochieva-menen-maek-1052744717.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Гүлдана Талантбекова
https://sputnik.kg/img/07e4/0c/0d/1050765348_1380:218:1983:821_100x100_80_0_0_fd98d90154805018ffbaaea14e5cfd12.jpg
Гүлдана Талантбекова
https://sputnik.kg/img/07e4/0c/0d/1050765348_1380:218:1983:821_100x100_80_0_0_fd98d90154805018ffbaaea14e5cfd12.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Гүлдана Талантбекова
https://sputnik.kg/img/07e4/0c/0d/1050765348_1380:218:1983:821_100x100_80_0_0_fd98d90154805018ffbaaea14e5cfd12.jpg
жаңылыктар, коом, кыргызстан, коронавирус, жаштар, илдет, оору, коронавируска байланыштуу кыргызстандагы кырдаал
жаңылыктар, коом, кыргызстан, коронавирус, жаштар, илдет, оору, коронавируска байланыштуу кыргызстандагы кырдаал
COVID "жашарды", бир жаштагы балдар ооруканага түшүүдө. Гүлжигит Аалиевдин маеги
11:27 19.06.2021 (Жаңыртылды: 22:55 15.12.2021) Гүлдана Талантбекова
Журналист
Коронавирус жаштарда көп катталып, буга кошумча, симптомдору менен кесепеттери өзгөрүүдө дейт Республикалык клиникалык жугуштуу илдеттер ооруканасынын жетекчиси Гүлжигит Аалиев.
Соңку жумаларда ооругандардын саны өсүп, айрым шаарларда чектөөлөр киргизилди. Саламаттык сактоо жана социалдык өнүктүрүү министрлиги коронавирустун
үчүнчү толкуну башталганын билдирген.Sputnik Кыргызстан маалымат агенттиги Бишкектеги инфекциялык оорукананын жетекчиси Гүлжигит Аалиев менен баарлашты. Бул жакка "кызыл" зонага кирген борбор калаадан тышкары облустун ар тарабынан бейтаптар келет.
— COVID-19 өскөнүн кайрылгандар билдирип жатса керек.
— Акыркы он күндүн ичинде бизге келгендердин саны менен ооруканага жаткандар көбөйдү. Мурда бир күндө 20-30 киши жатса, азыр 40ка чейин жетти. Жаш балдар да көп келүүдө. Ушу тапта 20дай бала дарыланууда.
— Илдет жуктурган балдардын жаш курагы кандай?
— 14 жашка чейинкилер. Эң кичинекейи бир жашка чейинкилер болууда.
— Ошондо бөбөктөрдө Кавасаки синдрому аныкталып жатабы?
— ПЦР-тест коронавирус деп эле көрсөтүп жатат. Пневмония менен же оору кабылдап кетип түшүп жатышат. Бирок жакшы жери — балдар бат эле сакайып кетишүүдө.
— Коронавирус "жашарды" десек болобу?
— Ооба, 20-30-40 жаштагылар көп, былтыр мынчалык эмес болчу. Азыр вирусту да оор көтөрүп, кыйналып келүүдө.
— Буга коронавирустун башка штаммдары да болуп жатканы себеппи?
— Болушу мүмкүн. Илимий изилдөө жүргүзүп аныктаса болот. Оор абалдан чыгаруу да кыйынга турууда. Бешинчи, жаңы протокол менен дарылап жатабыз, ага карабай кыйынчылыктар бар. Коронавирус башка органдарга залакасын тийгизүүдө. Мурда кандын уюшуна алып келет деп так билчүбүз. Азыр мээни жабыркатып, боорго, өпкөгө, бөйрөккө, жүрөккө зыян келтирип жатат.
— Симптомдору да өзгөрүп жатыптыр...
— Адатта жыт, даам билбей калгандарды ооруду десек, азыр ал да билинбейт, байкалса да башка белгилер менен коштолот. Учурда сасык тумоого кабылгандар аз, бирок сезондук аллергия күч алууда. Аны менен коронавирус бир убакта болсо оору кабылдап кетүү коркунучу бар.
— Республикалык клиникалык жугуштуу илдеттер ооруканасында орундар жана дары-дармектер жетиштүүбү?
— Жаңы курулган имаратты кошкондо жалпы 400 орун бар, азыр жетиштүү. Биз бишкектиктерди гана эмес, региондон келгендердин баарын кабыл алабыз, себеби дарылоо сапатыбыз жакшы. Толугу менен "кызыл" зонадабыз. Дары-дармек, кычкылтек аппараты жана башка каражаттар жетиштүү. Менимче, былтыркыга салыштырмалуу кырдаалга даяр болуп калдык.
— Дарыгерлер кандай тартипте иштеп жатат?
— Мурда 14 күн иштесе, кайра 14 күн обсервацияга кетишчү. Азыр медиктердин саны аз, өзүбүздүн оорукананын ак халатчандары дарылоону да жакшы өздөштүрүп алды. Ошондуктан эс алууну жана ишке чыгууну 5 жана 7 күнгө чейин кыскартканбыз. Керектүү кызматкерлер үйүнө барбай да иштеп калышууда, албетте, өздөрүнүн макулдугу менен. Дарыгерлердин бардыгы вакцина алган.
— Оорулуулардын тамак ташып келген жакындарын ичке киргизбейсиздер да?
— Киришпейт. Тамак киргизип койчу деген суранычтардан улам кызматкерлерди койгонбуз. Алар эки этап менен жеткиришет. Ооруканага кире турган жерден бөлүмгө чейин бирөө, бөлүмдөн палатага чейин башкалар алып кетет.
— Оорунун өсүп кетишине өзүбүздүн да күнөөбүз бар деп ойлойм.
— Айрымдар кайдыгер мамиле жасап жатышат, ооруга көнө түшүштү окшойт. Азыр деле үйүндө жата берип же элдик медицинанын ыкмасын колдонуп оор абалда келгендер бар. Коронавирустун алгачкы белгилери пайда болор замат медиктерге кайрылыңыздар, симптомдорун жаттагыдай болдук. Баягы эле эрежелер — бет кап тагынып, аралыкты сактап, антисептик колдонуңуздар жана той-аштарды токтото туруңуздар.
— Бул суроону бербесем болбойт. Ооруканада бейтаптарга уу коргошунду да сунуштайсыздарбы?
— Биз бешинчи протоколдун негизинде гана дарылап жатабыз. Бир гана бешинчи протокол!
