БИШКЕК, 8-дек. — Sputnik. Россия элдердин достугу университетинин жалпы жана клиникалык фармакология бөлүмүнүн башчысы, профессор Сергей Зырянов коронавирус пандемиясы маалында камдап кое турчу препараттарды атап бергенин РИА Новости жазды.
"Биринчиден, дене табын түшүрүүчү дары-дармектерди алуу керек. Мында жакшыраагы — парацетамол. Ибупрофен COVID-19 үчүн натыйжалуулугун аягына чейин көрсөтө элек, ошондуктан мурунга тамчылатмаларды алууга болот", — деген Зырянов.
Ошондой эле дарыгер антибиотиктер менен вируска каршы препараттарды өз алдынча колдонбой, адистер менен кеңешүү керектигин айтты. Анткени алардын бир катар терс реакциялары бар.
Мындан сырткары, Зырянов D витаминин ашыкча пайдалануу кан тамырлардын жабыркашына, бөйрөк кемтиги жана башка көйгөйлөргө алып келиши мүмкүндүгүн эскертти.
