БИШКЕК, 16-ноя. — Sputnik. Индиянын ооруканаларында COVID-19 менен күрөшүүгө жардам берүү үчүн роботтор ишке киргизилди. Бул туурасында CNN Business порталы маалымадады.
Индияда коронавирус жуктургандардын саны тогуз миллион адамга чукулдады. Бир нече ооруканада бейтаптарды жакындары менен байланыштыруу жана медиктерге көмөктөшүү максатында роботторду колдоно башташкан.
Жергиликтүү Invento Robotics компаниясы ар түрдүү робот иштеп чыккан. Алар имаратты дезинфекциялап, бейтаптардын суроолоруна жооп берип жана дарыгерлер менен видео аркылуу кеп-кеңеш берүүнү уюштурууга мүмкүнчүлүк түзөт.
Our health workers at the Frontline in the battle against COVID 19 now have help from a robotic warrior. #MitraRobot #COVID19 #HumanoidsToFightCOVID19 pic.twitter.com/0vX1xD0DiO
— Invento Robotics (@InventoRobotics) May 1, 2020
Кадрдан Нойда шаарында эки роботту иштетип жатканын көрүүгө болот. Биринчиси кире бериштен келгендерден COVID-19дун симптомдорун текшерип, экинчиси тезинен жардам кылынуучу терапия бөлүмүндө турат.
