БИШКЕК, 15-ноя. — Sputnik. Германиянын Франкфурт шаарынын полициясы COVID-19 илдетине карата карантиндик чектөөлөргө каршы чыккан митингчилерди суу бүркүүчү техника менен атты. Бул тууралуу полициянын Twitter баракчасындагы маалыматка таянып, РИА Новости жазды.
Шаардын борборуна бет кап тагынбай, социалдык аралыкты сактабаган жүздөгөн демонстрант чогулган. Көптөгөн эскертүүлөрдөн кийин полиция акциянын аяктаганын билдирип, чогулгандарды тарап кетүүгө чакырган.
Күч органынын кызматкерлери эл тарап кетпесе атайын каражаттар колдонулушу мүмкүн экендиги тууралуу бир нече жолу эскертилгендигин баса белгилешти.
Германиянын канцлери Ангела Меркель октябрь айында коронавирус пандемиясынын айынан ноябрдын аягына чейин карантин киргизилгенин жарыялаган.
Добуштарды кайра санагыла! Трамптын митинг өткөрүүнү пландап жатканы айтылды
