Гүлжигит Алыкулов ойногон "Кайрат" клубу өлкө биринчилигин жеңди

© Фото / пресс-служба ФФКРКыргызстандык футболчу Гүлжигит Алыкулов. Архив
Кыргызстандык футболчу Гүлжигит Алыкулов. Архив - Sputnik Кыргызстан
Жазылуу
Yandex newsTelegram
Бүгүн, 3-ноябрда, мелдештин 17-турунун алкагында алматылыктар өз талаасында "Окжетпес" клубун 3:1 эсебинде утту.

БИШКЕК, 3-ноя. — Sputnik. Кыргызстандык футболчу Гүлжигит Алыкулов ойноп жаткан алматылык "Кайрат" клубу өлкө биринчилигинин аяктаарына үч тур калганда чемпион болду. Мындай сүйүнүчтүү кабарды команда өзүнүн Facebook баракчасына жарыялады.

Бүгүн, 3-ноябрда, мелдештин 17-турунун алкагында алматылыктар өз талаасында "Окжетпес" клубун кабыл алып, 3:1 эсебинде утту. Бул жеңиш менен команда өлкө чемпиондугун камсыздады. Алыкулов беттештин экинчи бөлүгүндө оюн талаасына чыкты.

Кыргызстандык футзалчы Ильяс Чотбаев Тажикстанда чемпион болду

Бул жеңиш менен "Кайрат" 44 упай топтоп, артта келе жаткан "Астана" клубу жете албай турган айырма менен алдыга озуп кетти.

Гүлжигит Алыкулов быйылкы сезондон тарта беларустук "Неман" клубунан "Кайратка" өткөн. Алматылык команда менен ал УЕФАнын Европа лигасы мелдешинин квалификациялык этабында жана Казакстандын чемпионатында ойноп, эки гол киргизген.

2004-жылдан бери биринчи жолу Казакстандын чемпиону болгон "Кайрат" менен келерки жылы УЕФАнын Чемпиондор лигасы мелдешинин квалификациялык баскычында ойнойт.

Жаңылыктар түрмөгү
0