Романов: сибирь жарасы жер кыртышында кылымдап жата берет
Сибирь жарасынын козгогучу — бактерия. Күйдүргү спора түрүндө сакталып, айлана-чөйрөнүн терс шарттарына абдан туруктуу келип жер кыртышында кылымдап жата берет. Бул тууралуу Чыңгыз Романов Sputnik Кыргызстан радиосунун эфиринде маек куруп жатып билдирди.
Анын айтымында, аталган ылаң адамдарга ылаңдаган малдан тарап, адамдан адамга жукпайт.
Дене ууланат. Малдан адамга жуккан күйдүргүдөн кантип сактануу керек
"Бизде көп учурда ооруган малды союп, терисин сыйрып, ал жайды тазалаганда жана этин таратып жибергендин кесепетинен сибирь жарасы адамдарга жугуп калып жатат. Кыргызстанда анын Улуу Ата Мекендик согуш учурунан жана Советтер Союзунан бери сакталып келаткан, жер көчүп, сел алып кеткендиктен табылбай калган миңден ашык очогу бар. Өлкөбүздө оору менен күрөшүүгө республикалык бюджеттен акча бөлүнөт. Ага вакцина, очокторду жылына эки жолу дезинфекциялоо үчүн каражаттар сатып алынат. Ар жылы очоктордун айланасында жайылган төрт миллионго жакын малды бир жолу эмдөөдөн өткөрөбүз. Эгер оору аныкталып, өлүп калган малдар болсо, алар атайын инструкциянын негизинде бетондолуп, тегерек чети тосулуп, белгилер коюлат. Мындай учурлар биздеги маалыматтык базаларга очок катары каттоого алынып, картага түшүрүлөт. Бул аймак айыл өкмөтүнүн балансына өткөрүлүп берилип, ал жерди иштетүүгө, турак жайларды курууга, мал жаюуга тыюу салынат", – деди Романов.
Адис Кыргызстан боюнча сибирь жарасынын 560 очогу каттоого алынганынын кошумчалады.
