БИШКЕК, 26-май — Sputnik. Өлкөдө коронавирустан дарыланып жаткан бейтаптардын ичинен сегиз кишинин абалы оор. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, азыркы тапта стационарда жалпы 437 бейтап дарыланып жатат. Анын ичинен сегизи оор абалда, төртөө жандандыруу бөлүмүндө.
"Сырттан мекендештер алып келинип жаткандыктан, обсервациядагылардын саны көбөйдү. Азыр ал жакта 2333 адам бар. Ал эми COVID-19 аныкталган оорулуулар менен байланышта болгондордун саны 6 875ти түздү", — деди Үсөнбаев.
Кыргызстандагы COVID-19
11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.
