БИШКЕК, 30-апр. — Sputnik. Кыргызстанда Жалпы республикалык тестирлөөнүн жыйынтыгы 10-13-июль аралыгында чыгат дагы, жогорку окуу жайларга тапшыруунун биринчи туру 20-июлда башталат. Бул тууралуу Билим берүү жана илим министрлигинен билдиришти.
Ал эми окуу жайга кабыл алуунун экинчи турун 27-июлга белгилөө пландалууда. Үчүнчү тур болсо 3-августта өтмөй болду.
Ал эми адистештирилген билим берүү мекемелери документтерди 1-июлдан тарта кабыл ала баштай турганы кошумчаланды.
