Учурда COVID-19га чалдыккандардын саны 116га жетип, алардын ичинен беш киши реанимацияда жатат. Жасалма дем алдыруучу аппаратка кошулган экөө оор абалда.
Эл учурда иштебей отуруп калгандыктан азык-түлүккө муктаж болгондордун саны өсүүдө. Өкмөт жана кайрымдуулук кылган адамдар аларга жардам таратуу иштерин баштады.
Sputnik Кыргызстан абал боюнча бүгүн да окурмандарга текст, фото жана видео түрүндө маалымат берүүсүн улантат.
Тургундар санитардык-карантиндик посттордон тоскоолдуксуз өтүү үчүн атайын өткөрмө кагаздарын алышы керек. Алар түрүнө жара артыкчылыгына карата кагаз кызыл, жашыл, сары жана көк түстө болот.
Бирок инкубациялык мөөнөт 28 күнгө чейин созулат деген божомол бар. Демек, 14 күндөн кийин да оорунун белгилери чыгышы мүмкүн. Дүйнөлүк саламаттыкты сактоо уюму жада калса коронавирустан айыгып чыккандар дагы сегиз күн үй карантининде болушун сунуштап жатат.
Бүгүн да калаа көчөлөрү шаардык өзгөчө кырдаалдар бөлүмү тарабынан залалсыздандырылды.
Бүгүнкү күнгө чейин калаада 162 миң 946 метр аралыктагы автоунаа жолдору дезинфекцияланды.
Маалыматты Жалал-Абад мэриясынын маалымат кызматы билдирди.
Кичинекей бейтаптарды дары-дармек каражаттары менен камсыз кылуу жана өлкөнүн дарыканаларынан сатып алууга мүмкүнчүлүгү жок ата-энелер 0312-66-27-98 номерине чалышы керек. Ал жерден жок дары-дармектердин тизмеси түзүлөт.
Бул туурасында Саламаттыкты сактоо министрлиги билдирди.
Кыргызстандыктарды тамак-аш менен КРдин миграция боюнча эл аралык уюмдун миссиясы камсыздаган. Новосибирскидеги кыргыз диаспорасы транспорт жана ысык тамак менен камсыз кылууга көмөк көрсөткөнү айтылды.
COVID-19га чалдыккандардын саны – 130
Айыгып кеткендер – 5 киши
Каза болгон – 1 киши
Учурда ооруканада жаткандар – 124 киши
Алардын ичинен оор абалда жаткандар – 4 киши
Орточо оор абалда – 120 киши
Аялдар – 72
Эркектер – 58
Эң көбү - Жалал-Абад облусунда - 61 киши
Эң азы – Ысык-Көл облусунда - 2 киши
ОБСЕРВАЦИЯДА жаткандар – 1900 адам
Алардын ичинен:
Эң көбү – Бишкек ш. – 403 киши
Баткен облусунда – 584 киши
Эң азы:
Талас облусу – 24 адам.
БАЛДАР:
Он төрт жашка чейинки 11 бала бар.
Соңку бир күндө коронавирус жуктурган 14 адамдын төртөө чет өлкөдөн келген. Бул туурасында саламаттык сактоо министри Сабыржан Абдикаримов брифинг учурунда билдирди. Ал эми 10 бейтап өлкө ичиндеги ич ара байланыш аркылуу жуктуруп алган.
“Бул маселе сүйлөшүлүп жатат. Акча каражатын, башкаруусун чечсек, көп кишилер түшө баштаса, оорукана тез арада колдонулушу керек”, - деди министр.
Жер-жерлерде тест-системалар жетиштүү. Обсервацияда турган кишилерди чыгаруу максатында тест-системаларды колдонуп жатабыз.
Өлкө боюнча ооруканага жаткырылгандар – 125 адам
Оор абалда (реанимацияда) – 4 адам жатат.
Орточо оор абалда – 121 киши.
Айыккандар - 5 киши.
Сабыржан Абдукаримов: Ноокатта кайтыш болгон жаран кичи ажыдан жуктурган. Анын кант диабети жана башка өнөкөт оорулары бар экендигин уктуңуздар. Азырынча кайсы оорудан көз жумгандыгын ачык айта албайбыз. Анын изилдеп көргөндөн кийин гана, коронавирус козгогучу эмнеден болгондугун айтабыз
• Жалал-Абад облусунда – 5
• Джалал-Абад ш. – 2
• Чүй облусунда – 1
• Бишкек ш. – 6
Жаӊы аныкталган учурлардын ичинен 4 – сырттан келген, 10 – оорулуулар менен байланыш болгондуктан жуктуруп алган
Кыргызстанда жалпы 130 тастыкталган учур катталды. Алардын ичинен:
• Жалал-Абад облусунда – 61
• Ош облусунда – 30
• Чүй облусунда – 6
• Баткен облусунда – 3
• Ош ш. – 10
• Бишкек ш. – 14
• Нарын облусунда – 4
• Ысык-Көл облусунда – 2
Коронавирустун катталган учурлардын ичинен – 72 аялдар, 58 – эркектер.
"Акун" компаниясы боюнча абал жөнүндө маалымат берсек, алардын айткандары толук аткарылды. Өткөрүүчү кагаздар берилди. Айта кетсек, элди тамак-аш, дары-дармек, күнүмдүк-керектөөчү товарлар менен камсыздоочу стратегиялык жайларга уруксат электрондук жана кагаз түрүндө берилүүдө.
Орозалиев: Абылгазиевдин катышуусундагы отурумда жүк ташуучулар үчүн өткөрмө бекеттерди жокко чыгаруу, аларды карантиндик посттордон тоскоолдуксуз өткөрүү чечим кабыл алынган. Анын негизинде оор жүк ташыгандардын тоскоолдуксуз өтүүсү камсыздалды. Расмий өткөрмө документин алууга электрондук 3800 арыз катталып, анын 211ине берилди.
Орозалиев: 2-3 күндөн кийин биринчилерден болуп ооруп калгандар менен байланышта болгондордун инкубациялык мөөнөтү аяктайт. Андыктан алдындагы 7 күн үйдө болуп туруңуздар, эрежени сактагыла.
“Гуманитардык жардам боюнча, ала тургандар айыл өкмөттөрдө жер-жерлерде, акимдердин тизмесинде катталып жатат. Бул жерде тааныш-билиш маселеси жаралбашы керек деп эсептейм. Катталган жарандарга жардам беребиз” – деди Жоробеков.
“Азык-түлүк, тамак-аш ташыган автоунааларды блок-посттон өткөрбөй койбогула деген катуу талап коюп жатабыз. Болгону коменданттык саат учуруна туш келбешиңиздер керек”, - деди Жоробеков.
Комендант Жоробеков өзгөчө абал киргизилген аймактарда жалган, тастыкталбаган маалыматтарды таратуу фактылар катталганын, алардын ичинен соңку күндөрү мындай эки учур болгонун айтты.
Жалал-Абад шаарынын, Сузак районунун коменданты Жеңишбек Жоробеков Жалал-Абад шаарында коменданттык саатты 1 адам бузгандыгын айтты.
Жалал-Абад облусу боюнча 31 кылмыш иши катталып, анын 4үнүн бети ачылып, 61 унаа айып короого токтотулган.
Адистин айтымында, коронавирус гриппке салыштырмалуу бат жугат. Болгондо дагы адам анын белгилери өзүндө пайда боло электе жана сакайгандан кийин бир нече убакыт бою башкаларга жайылта берет.
3-апрелде саат 10:00гө карата Кыргызстанда коронавирус жуктурган дагы 5 учур катталды, жалпы сутка ичинде 14 жаӊы учур аныкталды.
Тастыкталган учурлар – 130
Айыккандар – 5
Каза болгондор – 1
“Азык-түлүк боюнча шаарда жашагандардын каттоосу бар-жогуна карабай жардам көрсөтүлөт. Алар кайда жашары айтса, жеткирип беребиз. Айта кетүүчү нерсе – үйү-жайы, автоунаасы барлар да жардам алабыз деген учурлар билинип жатат. Бир-эки факты катталды. Бул боюнча Ош шаарынын милициясы издеп, иштеп жатат”, - деди Ош шаарынын биринчи вице-мэри Саибжан Турдуев.
“Азык-түлүк жетиштүү. Ал эми расмий өткөрмө кагаз боюнча маселе жок. Өндүрүш, өнөр жайчылар, жер иштеткендер, сүт азыктарын өндүргөндөр, бала челекчилер посттордон токтоосуз өтө алат. Эшикке чыкпагыла деген талап жөө жүргөндөргө карата айтылып жатат. Ал эми автоунаа айдоочулар максатсыз эшикке чыкпагыла. Автоунааңар айып короого токтотулуп, татаалданып кетсе, сотко чейин ашып кетип, бир-эки айдан кийин алып калышыңар мүмкүн”, - деди Нурдинов.
"Коронавирустан каза тапкан ноокаттык жаранды жерге берүүдө 5-6 адам гана болду. Жаназасы ошол жерде окулду. Ачык айтайын, тууган-уруктарынан эч ким болгон жок. Азыркы абалды, оорунун жайылышын олуттуу кабыл алып, үйдө болгула", - деди комендант Малик Нурдинов.
“Кымбаттап кеткен ундун баасы кимге айтып арызданабыз? Буга чейин жазылган телефон чалсак, ары-бери багыттап, так жооп ала алган жокпуз”, – деген суроого комендант Нурдинов бүгүн антимонополия саясатын алып барган тарапка кайрылабыз деген жообун айтты.
“Ош шаары боюнча ундун запасы - 206 тонна. Кумшекер, макарон жетиштүү. Ишкерлер менен сүйлөшүп, маалымат алып, тактап жатабыз. Аз камсыз болгондор бизге (032 22) 55384 телефон номери менен кайрылса болот”, - деди Турдуев.
"Ош шаары, Кара-Суу, Ноокат районунда абал коомдук-саясий абал туруктуу. Сутка аралыгында 30 киши коменданттык саатты бузган. Алардын ичинен 4 киши мас болуп алып, автоунаа айдап жүргөн", - деди аталган аймактын коменданты Нурдин Маликов.
"Алардын арасында балдарын дарылатууга алып келген аялдар, кош бойлуулар, 60, 70, 80 жаштагы апалар бар. Ошондой эле эки, беш, жети жашка чейинки балдар, студенттер бар", — дешти Sputnik Кыргызстан агенттигинин окурмандары.
2-апрелде, кечээ Ноокат районунда коронавирус менен ооруп жаткан 61 жаштагы адам каза тапты.
"Бейтаптын дагы башка кошо өрчүп кеткен оорулары да бар болгон"- деп билдиришти штабдан.
Исаков: Тестирлөөнү 13 предмет боюнча жасайт. Сайттын шилтемесин кийинчерээк беребиз, ал жерге каалаган окуучу эркин кире алат.
Ал эми жылдык чейректи чыгарууда жыл ичиндеги башка чейректердин жыйынтыгына карап, балдарга жеңил кылгандай шарт түзөбүз.
Исаков: 9-11-класстардын бүтүрүү экзамендери боюнча сунуштарыбызды айтабыз. Ал боюнча да ойлонуп жатабыз.
Исаков: Кырдаал ушундай болуп турса, ЖОЖдордогу экзамендерди да онлайн-режими менен алууга өткөрөбүз деген ой бар.
Исаков: Мектеп окуучулары үчүн видео-сабакта убакыт чектелип калышы мүмкүн, бирок эми бул биздин кырдаалга карата жасаган ишибиз.
Исаков: Кесиптик башталгыч жана орто окуу жайлары боюнча тез арада жаңы сабактын түрлөрүн өздөштүрүү, берүү туурасында талаптарды коюп жатабыз.
"Видео сабактардын сынагын жарыяладык эле мыкты педагогикалык чеберчилигин көрсөткөн жаңы мугалимдердин чыгып жатканына күбө болуп жатабыз", - деди Исаков.
Исаков: “Ай билим” жана “Билим булагы” деп аталган кызыктуу сабактардын топтомун балдарга тартуулайбыз.
Учурда 5 студияда жана жогорку окуу жайдын 7 жеринде видео-сабактар жасалып жатат. Айтарым, мугалимдер креативдүүлүгүн көрсөтүп жатат.
Интернет жетпеген жерде теле көрсөтөт, ошондуктан жеткиликтүү болот деп ойлойбуз.
Биринчи кезекте Бишкектеги үч мектепте мугалимдерди окутуп, даярдап жатабыз. Азыр аларды телеге тартуу иштери аяктап калды
