18:12 04 Кулжа 2020
Түз эфир
  • USD73.9200
  • EUR82.8348
  • RUB1.0711
Коом
Кыскача шилтеме алуу
Кыргызстандагы коронавирус жуктуруп алгандар (900)
1350 0 0

Борбор калаанын карантиндик аймагы кеңейтилип, базарлардын жана супермаркеттердин жанына посттор коюлмакчы.

БИШКЕК, 3-апр. — Sputnik. Жакынкы эки күндө коронавиурс болгондор менен байланышта болгон алгачкы адамдардын инкубациялык мезгили аяктай тургандыктан, Бишкек шаарынын кошумча тилкелеринде кыймыл чектөөгө алынат. Бул туурасында Республикалык штабдан билдиришти.

Тагыраак айтканда, калаанын карантиндик аймагы кеӊейип, кыймылды чектөө жана адамдардын, унаалардын топтолушун болтурбоо үчүн базарлардын жана супермаркеттердин жанына санитардык-карантиндик посттор коюлары айтылат.

"Өтө зарыл болгондо гана дарыканага жана азык-түлүк алып келгенге чыкса болот. Жаныӊызда паспорт жана маршруттук баракчаӊызды алып жүрүӊүз, ошондой эле бет кап тагынып, колдоруӊузду антисептик менен тазалап туруӊуз", — деп дагы бир жолу эскертти штаб.

Белгилей кетсек, ооруну жуктургандар болсо 14-21 күнгө чейин коронавирустун белгилери байкалбай жүрүп, андан кийин аныкталарын айтып келет адистер. Ал эми Кыргызстанда алгачкы учур катталгандан бери 16 күн өттү.

Коронавирустун кесепети

Кыргызстанда 130 адам коронавирус жуктурганы аныкталды. Анын ичинен бешөө айыгып чыккан. Тилекке каршы, вируска кабылган Ноокат районунун 61 жаштагы тургуну 2-апрелде көз жумду. Бул өлкө ичинде катталган алгачкы учур. Мындан сырткары, төрт адам оор абалда жатат, бирөө жасалма дем алдыруу аппаратына кошулган.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 15-апрелге чейин өзгөчө абал киргизилген. Бул аймактарда саат 20:00дөн 7.00гө чейин көчөгө чыгууга тыюу салынган.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

Тема:
Кыргызстандагы коронавирус жуктуруп алгандар (900)

Тема боюнча

Ноокатта коронавирустан каза болгон кишини 5-6 адам эле жерге берди
Оштун коменданты Нурдинов: биздин райондорго келбегиле
Үч адамдан ашык чогулбасын! Бишкек коменданты чектөөлөрдү күчөттү
Белгилер:
мөөнөт, штаб, чектөө, Бишкек, коронавирус

ЭҢ МААНИЛҮҮ