Коронавирустун Кыргызстанга таасири. Соңку маалыматтар

Дүйнөдө тарап жаткан коронавирусту аймагына "киргизбөө" үчүн ар бир өлкө түрдүү чараларды көрүп жатат. Sputnik агенттиги Борбор Азия мамлекеттеринин камылгасына кызыкты.

Кытайда коронавирус эпидемиясы басаңдады. Уханды эске албаганда Хубэй провинциясындагы бардык шаарларда бир жумадан бери вирус жуктурган бир дагы жаңы факт каттала элек. Бул туурасында Кытайдын Саламаттыкты сактоо комитетинин өкүлү аталган өлкөнүн бир катар шаарларында вирусту жуктуруп алган жаңы фактылар жок экенин айтты. 

 15 өлкөдөн келген жарандар үй карантинине алынат.

Алар - Франция, Германия, Испания, Сингапур жана АКШ. Андан сырткары Кувейт, Бахрейн, Таиланд, Швейцария, Улуу Британия, Австралия, Малайзия, Канада, Ирак жана БАЭден келгендер да көзөмөлдө турат. 

Жүргүнчүлөрдү келип түшкөндө аэропорттон атайын жабдуу - тепловизор менен текшеришет. 

Беш мамлекет - Кытай, Түштүк Корея, Италия, Иран жана Япониядан келген кыргызстандыктар ооруканаларда 14 күндүк карантинде кармалат.

Пандемия — жугуштуу оорулардын бир же бир нече өлкөгө, континентке жапырт таралышы менен мүнөздөлгөн эпидемия.

 Кээ бир окумуштуулар пандемия жарыялоо коңгуроо кагуу экенин айтат. 

"Мындай кадам — инфекциянын жайылып кетпеши үчүн анын эрте стадиясында жабууга, чектөөгө өлкөлөрдүн аракет кылышына карата кабыл алынган катаал чечим", -  деди россиялык окумуштуу Павел Волчков. 

Саат 12:00дө боло турган "Дүйнөгө коронавирус пандемиясы жарыяланды. Кыргызстандын мамлекеттик органдары кандай чара көрөт?" темасында маалымат жыйыны токтотулду. Бул боюнча иш-чара башталарына бир нече мүнөт калганда белгилүү болду.

Кыргыз өкмөтүнүн маалыматына караганда,  учурда Кыргызстанга короновирусту жуктуруп алган учур каттала элек. 

Анткен менен 11-март күнү кечке маал Дүйнөлүк саламаттык сактоо уюму дүйнө жүзү боюнча коронавирус пандемиясын жарыялады.

 Ал эми дүйнө боюнча COVID-19 вирусун жуктуруп алгандардын  жалпы саны 126 миңден ашты. Анын ичинен 4630 киши көз жумду.