00:53 31 Бугу 2020
Түз эфир
  • USD73.7678
  • EUR82.0114
  • RUB1.0426
Коом
Кыскача шилтеме алуу
Коронавируска байланыштуу Кыргызстандагы кырдаал (1464)
414 0 0

Республикалык штабдын жыйынында коңшу өлкөлөрдүн жарандары чындыгында Кыргызстан аймагынан продуктуларды сатып алган фактылар кездешкени айтылган.

БИШКЕК, 12-мар. — Sputnik. Өлкөдө азык-түлүктүн камы жетиштүү деген расмий маалымат болгондуктан, тынчсызданууга негиз жок. Бул тууралуу вице-премьер-министр Эркин Асрандиев билдиргенин өкмөттүн маалымат кызматы кабарлады.

Коронавирустун өлкөнүн экономикалык абалына тийгизген таасиринин кесепеттерин азайтууга багытталган чараларды жүзөгө ашыруу боюнча республикалык штабдын жыйынында өлкөдө азык-түлүктүн, товарлардын камы жетиштүү, алардын баасы туруктуу экени айтылган.

"Кандай кырдаал болбосун, "жаманга даяр болуп, жакшыдан үмүт үзбө" деп коёт. Айрыкча, өлкөдө азык-түлүктүн камы жетиштүү деген расмий маалымат болгондуктан, тынчсызданууга негиз жок. Мен төрт баланын атасымын, бирок азык-түлүк камдаган жокмун. Тамак-аш дайыма жетиштүү болот", — деген Асрандиев.

Маалыматта коңшу өлкөлөрдүн жарандары чындыгында Кыргызстандан продуктуларды сатып алган фактылар кездешкени айтылган.

"Бул бир гана жолу байкалган. Баалары жана сатуу тууралуу айтсак, социалдык жактан мааниге ээ айыл чарба товарларынын жана азык-түлүктөрдүн баасынын жогорулашы байкалган эмес. Өсүмдүк майынын, ундун, ошондой эле сезонго байланыштуу айрым жашылчалардын баасы бир аз көтөрүлгөнү белгиленген", — деп айтылган.

Антимонополиялык агенттиктин кызматкерлери биринчи кезектеги керектөө товарларынын баасына мониторинг жүргүзгөнү кабарланды. Мындан тышкары, алар өлкөнүн ири соода түйүндөрү жана азык-түлүк рынокторунун өкүлдөрү менен сатуулардын жана баалардын туруктуулугун камсыздоо боюнча жолугушууларды өткөргөн.

"Анткен менен коронавирус инфекциясынын өлкөнүн экономикалык абалына тийгизген таасиринин кесепеттерин азайтуу максатында буудайдын кошумча көлөмүн камсыздоо жана аны кайра иштетүү үчүн ун өндүрүүчү ишканаларды каржылоо мүмкүндүгү каралууда", — деп айтылат маалыматта.

Буга чейин республикалык штаб кыргызстандыктарга балдарын эл көп топтолгон жерлерге алып баруудан оолак болууга чакырган билдирүү тараткан.

Кыргызстандагы коронавируска каршы өткөрүлүп жаткан чаралар жана анын кесепети, акыркы маалыматтарды Sputnik Кыргызстандын тексттик трансляциясынан окусаңыз болот.

Тема:
Коронавируска байланыштуу Кыргызстандагы кырдаал (1464)

Тема боюнча

Кыргызстандык кыз Кытайда коронавирус жуктуруп 2-кабаттан секиргенби? ТИМдин жообу
Кыргызстан импорттук сырьёну ташуунун башка жолдорун издеп жатат
Балдарды эл көп топтолгон жерге алып барбагыла. Штаб эскертти
Белгилер:
азык-түлүк, коронавирус, Кыргызстан

ЭҢ МААНИЛҮҮ