БИШКЕК, 26-фев. — Sputnik. Кыргызстан мусулмандарынын дин башкармалыгы "Куран жазы" аталышындагы республикалык куран жарышын өткөрөт. Бул туурасында муфтияттан билдиришти.
Сынак үстүбүздөгү жылдын 12-апрель күнү Жалал-Абад облусунун Базар-Коргон районунун борбордук мечитинде болот.
26-февралдан 28-мартка чейин бардык облустук жана шаардык казыяттар өз аймагындагы тандоо конкурсун өткөрүп, жеңүүчүлөр республикалык Куран жарышына катышууга жолдомо алышат.
Сынактын шарт-талабы менен муфтияттын сайтынан кененирээк таанышууга болот.
