БИШКЕК, 22-фев. — Sputnik. 2019-жылы Кыргызстанда эшек, коён жана чочконун саны азайып кетти. Бул тууралуу Улуттук статистика комитетинин маалыматында айтылат.
Өткөн жылдын декабрь айында Улуттук статистика комитети менен Айыл чарба, тамак-аш өнөр жайы жана мелиорация министрлигинин кызматкерлери үй жаныбарлары менен канаттууларынын санын эсептеген.
Төмөндө 2018 жана 2019-жылдардын аягындагы көрсөткүчтөрдү сунуштайбыз.
Көбөйгөндөр:
- Ири мүйүздүү мал — 1 миллион 681 миң баш (53,5 миңге көбөйдү);
- Кой-эчки — 6 миллион 267 миң баш (99 миңге көбөйдү);
- Жылкы — 522,6 миң (24 миңге көбөйдү);
- Үй канаттуулары — 6 миллион 211 миң (201,5 миңге көбөйдү);
- Төө — 247 (бир башка көбөйдү);
Азайгандар:
- Чочко — 34,8 миң (16,5 миңге азайды);
- Эшек — 28,4 миң (500гө азайды);
- Коён — 26 миң (1,6 миңге азайды).
