БИШКЕК, 8-фев. — Sputnik. CeoWorld Magazine басылмасы жарыялаган рейтингде Кыргызстанда жашоо эң арзан деп табылды.
Аталган басылма жашоо-тиричилик минимуму кымбат 132 мамлекетти тизмектеген. Ал рейтингде Кыргызстан 127-орунду ээлеген. Жашоосу Кыргызстандан да арзан деп коңшу Өзбекстан, Сирия, Индия, Афганистан жана Пакистан өлкөлөрү көрсөтүлгөн.
Ал эми эң кымбат мамлекеттердин сап башында Швейцария, Норвегия, Исландия, Япония, Дания, Багам аралы, Люксембург, Израиль, Сингапур жана Түштүк Корея турат.
Рейтинг өлкөдөгү турак жайдын ижара акысы, азык-түлүктүн наркы, ресторандардагы тамактардын баасы жана калктын сатып алуу жөндөмүнө карап түзүлгөн.
