БИШКЕК, 8-дек. — Sputnik. Кыргызгидромет агенттиги бир жумага карата аба ырайынын божомолун таратты.
Маалыматка ылайык, 10-декабрга чейин өлкөдө жаан-чачын күтүлбөйт. Тоо этектеринде жана тоолуу райондордо жолдорго муз тоңуп, тайгак болот. Батыштан соккон шамалдын ылдамдыгы секундасына 2-7 метрге жетиши ыктымал.
11-12-декабрь күндөрү кээ бир тоолуу райондордо бир аз кар жаашы күтүлөт, дыйканчылык аймактарда жаан-чачын болбойт. Батыштан соккон шамалдын ылдамдыгы секундасына 4-9 метрге жетет.
Апта аягы, 13-14-декабрда, айрым аймактарда жаан жаап, абанын температурасы төмөндөйт.
