БИШКЕК, 6-дек. — Sputnik. Японияда кафе ачкан кыргызстандык Асел Минагава алгачкы кардарлар келе баштаганын Twitter баракчасына жазды.
Кыргызстандык аял 30-ноябрда кафе ачып, бирок ага эч ким келген эмес. Анын көзүнө жаш алып капаланып жатканын күйөөсү видеого тартып алган.
Сегодня первый день открытия. Скажу честно, никто не пришёл. Извините за сентиментальность, мне просто очень было обидно за продукты. Забрала домой, буду теперь до следующей недели есть их. Спасибо за добрые слова! Буду дальше стараться ❤️😭 pic.twitter.com/lN4eTvGqqa
— asel.minagawa (@AselMinagawa) 30 ноября 2019 г.
Социалдык тармакка жарыяланган видео бир нече күндүн ичинде 100 миңден ашык жолу көрүлүп, аны Кыргызстандагы, Казакстандагы, Россиядагы жана Украинадагы колдонуучулар колдой баштаган. Окуя тууралуу чет элдик ЖМКлар дагы жазышкан.
Асел кардар жок деп кол куушуруп отуруп калбай, чакан жайын жарнамалоого болгон аракетин жумшаган.
Акыр-аягында ал кафесине баш баккан алгачкы кардарынын сүрөтүн жарыялады.
Ребята! Это победа! Мы с вами вместе это сделали! Мой первый посетитель! Я вышла на улицу и начала звать всех, из всех 10 пришла она! Поела блины с творогом и кофе попила! Сказала, что было очень вкусно и привезёт своих друзей! Я так рада 😭😭😭😭😭 pic.twitter.com/X1KIkTpZLb
— asel.minagawa (@AselMinagawa) 5 декабря 2019 г.
Андан кийин экинчи кардар келген. Алардын бардыгы конокторду көп тартуу үчүн эмне кылуу керектигин айтып, кеп-кеңешин беришкен.
Асел ошондой эле эч качан кыялдан баш тартпай, аны ишке ашырууга болгон күчтү жумшоо керектигин окурмандарга айткан.
