БИШКЕК, 29-окт. — Sputnik. Өзбекстандын президенти Шавкат Мирзиёевдин күйөө баласы Отабек Умаров келинчеги Шахноза Мирзиёева менен 12 жыл мурда түшкөн сүрөтүн жарыялап, бул датага арналган пикирин жазган.
Аны Instagram баракчасынан окуп, көрүүгө болот.
Посмотреть эту публикацию в Instagram
"Бул биздин 12-күз, анда жылуулук бар. Бул күн биздин тагдырды кошкон. Бири-бирибизден алыста жүрүп, арабызды командировка — шаарлар менен өлкөлөр бөлүп турган учурларда да биргебиз. Кээде талашып-тартышып, бири-бирибизди түшүнбөй да кетебиз. Анда да биргебиз. Жазса бир роман чыга турган тарыхыбыз, окуяларыбыз арбын. Башкысы жашообузда биздин сүйүүбүз, бири-бирибизге болгон жылуулугубуз, назик сезимдерибиз жана берилгендигибиз орун алган", — деп жазган ал жубайына.
Ал өзүн дүйнөдөгү эң бактылуу күйөөлөрдүн бири деп эсептерин айтып, үйүнө келгени, үч кызынын күлкүсүн укканы бакыт экендигин баяндаган.
Өзбекстандын башчысы Шавкат Мирзиёевдин кичүү кызы Шахнозанын жолдошу Отабек Умаров учурда президенттин күзөт кызматынын жетекчисинин орун басары.
