Өткөн аптада Кыргызстанда көмүр кымбаттады. Статистика

Жазылуу
Кескин кымбаттоо Баткен шаарында болгон. Тагыраагы, 10-октябрь күнү тоннасы 7 миң сомго сатылып жаткан көмүр 17-октябрда 8,5 миң сомго бааланган.

БИШКЕК, 21-окт. — Sputnik. Өткөн жуманын ичинде өлкөдө бир тонна көмүрдүн орточо баасы 27,04 сомго же 0,6 пайызга жогорулады. Бул тууралуу Улуттук статистика комитетинин сайтында жарыяланды.

Маалыматка караганда, кескин кымбаттоо Баткен шаарында болгон. Тагыраагы, 10-октябрь күнү тоннасы 7 миң сомго сатылып жаткан көмүр 17-октябрда 8,5 миң сомго бааланып калды.

Кадамжай: Боз тилкесинде 100дөй мыйзамсыз көмүр шахтанын 20сы иштеп жатат - Sputnik Кыргызстан
Кадамжай: Боз тилкесинде 100дөй мыйзамсыз көмүр шахтанын 20сы иштеп жатат
Мындан тышкары, көмүр кымбат шаарларга Кара-Суу (7700 сомдун тегереги) жана Ноокат (6900 сомдун тегереги) кирет.

Ал эми арзаныраак аймактар — Чаек айылы (тоннасы 2500 сомдун тегереги), Нарын шаары (3600 сомдун тегереги) жана Балыкчы шаары (3700 сомдун тегереги).

Борбор калаада бир тонна көмүр орто эсеп менен 3800 сомго сатылууда. Ал эми Ош шаарынын тургундары ушул эле көлөмдөгү көмүргө 6200 сомго чукул акча төлөп жатышат.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Жаңылыктар түрмөгү
0
Алгач жаңыларыАлгач эскилери
loader