БИШКЕК, 7-окт. — Sputnik. 9-октябрга караган түнү Драконид метеорити өзүнүн жогорку чегине жетет. Бул тууралуу Москва планетарийинен кабарлашты.
Буга чейин астрономдор маалыматтын жетишсиздигинен улам анын активдүүлүгүн баалай албай келишкен. Бирок астроном Александр Якушечкин метеорит кайсы учурда жерге абдан жакын келерин жана жерден көрүнөрүн РИА Новости агенттигине айтып берген.
Учкан жылдыздар — планеталар арасындагы анча чоң эмес бөлүкчөлөр, булардын көлөмү кумдан тарта буурчакка чейин болот. Алар жердин атмосферасына кирип секундасына 20 чакырым ылдамдыкта учуп, тез эле күйүп кетишет. Бул алыстан караганда абдан кооз көрүнөт.
Бирок Бишкекте "жааган жылдыздарды" көрүү бир аз кыйынга турушу ыктымал. Себеби Кыргызгидромет 9-октябрдын түнүндө жамгыр жаай турганын билдирген.
Биздин Telegram-каналга жазылыңыз.
