БИШКЕК, 12-сен. — Sputnik. Россиянын Кыргызстандагы элчиси Николай Удовиченко Кыргызстан Евразия экономикалык биримдигине мүчө болуу менен кандай пайда көргөнүн айтып берди.
Элчи Бишкекте өтүп жаткан Москва күндөрүнүн алкагында уюштурулган Инвестиция жана соода-экономикалык кызматташуу боюнча конференцияда сөз сүйлөдү.
"Россия ветеринардык лабораторияларды ачууга жардам берип келет. Анын жыйынтыгында быйыл эт азыктары менен агрардык продукцияларга коюлган чектөөлөр алынды", — деди Удовиченко.
Элчи ошондой эле Россия-кыргыз өнүктүрүү фондусу дагы Кыргызстандын экономикасына салым кошуп жатканын белгиледи. Ал Россияга кеткен экспорттун көлөмү 25 пайызга өскөнү буга мисал экенин кошумчалады.
