БИШКЕК, 1-авг. — Sputnik. Өткөн аптада Финансы министрлигинин алдындагы Мамлекеттик сатып алуулар департаментинин маалымдоо кызматы (Call-борбор) ишке кирди. Бул тууралуу маалымат ведомствонун сайтына жарыяланды.
Call-борбордун негизги максаты — элди кызыктырган суроо-талаптарга жооп жана кеңеш берүү. Ошондой эле мамлекеттик сатып алуулар системасын жакшыртуу үчүн көп бериле турган суроолорду талдоо. Байланыш номери — 0312 62-66-62.
Белгилей кетсек, Мамлекеттик сатып алуулар департаменти бюджеттик каражаттардын, чет өлкөлүк насыялардын жана гранттардын эсебинен товарларды жана кызматтарды сатып алуу боюнча саясат жүргүзгөн орган.
