БИШКЕК, 2-июн. — Sputnik. Ысык-Көлдө бир жума бою республикалык мелдеш өтөт. Бул тууралуу Жаштар иши, дене тарбия жана спорт мамлекеттик агенттигинен билдиришти.
Маалыматка ылайык, "Дени сак улут — гүлдөп өнүккөн өлкө" аталышындагы спорттук иш-чара 19-25-июнь күндөрү Ысык-Көл районундагы Бостери айылында уюштурулат. Ага спорт сүйүүчүлөрүнөн куралган ар бир облустун курама командалары катышат.
Алар ордо, күрөш, армрестлинг, тогуз коргоол, волейбол, футбол, жеңил атлетика, мас-рестлинг, пара пауэрлифтинг боюнча күч сынашат.
Жаштарды сергек жашоого үндөгөн, аларды дене тарбияга тартууга жана спортту массалык негизде жайылтууга багытталган иш-чараны өткөрүүгө 1 миллион 942 миң сом каралган.
