Казакстанда тик учак кулап, 13 аскер каза болду. Кырсыктан кийинки видео

© Sputnik / Максим Блинов / Медиабанкка өтүүТик учак. Архивдик сүрөт
Тик учак. Архивдик сүрөт - Sputnik Кыргызстан
Жазылуу
Машыгууга чыккан төрт учактын бири кайтпай калган.

БИШКЕК, 28-мар. — Sputnik. Казакстандын Кызыл-Ордо облусунун аймагында кечээ Ми-8 тик учагы кулап, 13 аскер курман болду. Бул туурасында Sputnik Казакстан жазды.

Расмий маалыматтарга караганда, шаршемби күнү кулаган Ми-8 толугу менен күйүп кеткен. Анын ичинде 13 кишинин болгону маалымдалды. Мамлекет башчы Касым-Жомарт Токаев тик учактын экипажы курман болгондугун айтты.

Казакстандын жалпы куралдуу күчтөрүнүн курамы мерт болгондордун жакындарына терең кайгыруу менен көңүл айтып, азасын бөлүшкөн.

"Министрликтин жетекчилиги моралдык жана материалдык колдоо көрсөтүү боюнча чараларды көрөт", — деп айтылат.

Крупное ДТП с автобусом в Нур-Султане - Sputnik Кыргызстан
Нур-Султанда үч автобус менен жеңил унаалар кагышып, киши каза болду. Видео
Маалыматта төрт тик учак Актаудан (Батыш Казакстан) чыгып, Шымкент шаарына багыт алгандыгы айтылган. Алар "Алтын жебе" караңгы жана аба ырайынын бузулган учурунда учуу боюнча машыгуу-окуусунун алкагында жолго чыкканы маалым болду. Жыйынтыгында төрт тик учактын бирөө кырсыктап, жогорудагыдай кайгылуу окуяга тушуккан.

Коргоо министри Нурлан Ермекбаевдин буйругу менен тик учак кулаган жерге барып, иликтөө жүргүзүү үчүн атайын комиссия түзүлдү. Тиешелүү тараптар кырсыктын себебин иликтөөгө киришти.

Жаңылыктар түрмөгү
0