БИШКЕК, 25-авг. — Sputnik. Дем алыш күндөрү өлкө аймагы боюнча тоолуу аймактарда жана тоо этектеринде өткүн өтүшү күтүлүүдө. Ал эми өрөөндөрдө жаан-чачын болбой турганын Кыргызгидрометтен билдиришти.
Батыштан соккон шамалдын ылдамдыгы секундасына 4-9, Ысык-Көл, Нарын облустарында 15-20 метрге жетиши мүмкүн.
Ишемби күнү абанын температурасы Чүй облусунда түнкүсүн +11…+16, күндүз +23…+28, Таласта түнкүсүн +7…+12, күндүз +23…+28, Нарын аймагында түнкүсүн +4…+9, күндүз +21…+26, Ысык-Көл өрөөнүндө түнкүсүн +7…+12, күндүз +20…+25 градуска жетсе, Ош, Жалал-Абад жана Баткен облустарында түнкүсүн +12…+17 күндүз, +24…+29 градус ысык болушу күтүлөт.
25-26-август күндөү Бишкек жана Ош шаарында жаан-чачын күтүлбөйт. Абанын температурасы борбор калаада +28…+30 градуска чейин жогорулап, Ош шаарынын тургундары эки күн бою 29…30 градустук ысыкка күбө болушат.
