БИШКЕК, 31-июл. — Sputnik. Жемкорлордон кайтарылган каражат үчүн ачылган атайын эсепке Улуттук коопсуздук мамлекеттик комитети тарабынан 129,6 миллион сом которулду. Бул туурасында аталган комитеттин маалымат кызматы билдирди.
Атайын эсеп ачуу боюнча буйрукка президент үстүбүздөгү жылдын 16-майында кол коюп, ал 3-июлдан тарта иштей баштаган.
"20-июлда УКМК тарабынан Финансы министирлигинин Бирдиктүү депозиттик эсебине 20,4 миллион сом өлчөмүндөгү каражат которулду. Муну менен УКМКнын коррупцияга каршы күрөшүү багытындагы ишмердүүлүгүнүн алкагында мамлекетке кайтарылган каражаттын жалпы суммасы эсеп ачылгандан бери 129,6 миллион сомду түздү", — деп айтылат маалыматта.
Белгилей кетсек, буга чейин Жалал-Абад шаардык ички иштер бөлүмүнүн Тергөө кызматы тарабынан жемкорлордон жарым миллион сом кайтарылганы кабарланган.
