БИШКЕК, 30-июл. — Sputnik. Жол инспекторлору кызматтык унаасында уктап жаткан видеону активист Болот Ибрагимов өзүнүн социалдык тармактагы баракчасына жүктөдү.
Кадрда көрүнүп тургандай, күбө MVD 232 S деген номери бар унаага жакындап келип, ичиндеги эки инспектор уктап жатканын көрөт. Бир маалда бири ойгонуп кетип, экинчисин дагы тургузат. Ошол маалда күбө аларга суроо бере баштайт.
Ал эми милиционерлер күбөгө жооп бербестен, бирөөгө телефон чалып, андан соң унааны айдап кетип калышат.
Жол кыймылы коопсуздугун көзөмөлдөө башкы башкармалыгынын маалымат кызматынан комментарий алууга мүмкүн болгон жок.
