БИШКЕК, 28-июл. — Sputnik. Египеттин Дейрут провинциясындагы калктуу конушта көчөгө чыгып кеткен кутурган ит 23 кишини тиштегенин РИА Новости агенттиги "Эль-Ватан" басылмасына таянуу менен жазды.
Ит көчөгө эртең менен чыгып кеткен. Түшкө чейин 23 киши ит тиштеп ооруканага кайрылганда дарыгерлер коңгуроо кагып, аны кармоону суранып милицияга кайрылган.
Дейруттун ооруканасында жабыркагандардын баарына дары жетпей, бейтаптардын жарымы коңшу шаардын ооруканасына жөнөтүлгөн.
Полиция итти атууга аргасыз болду.
