БИШКЕК, 2-июл. — Sputnik. Индиянын борбору Нью-Дели шаарында бир үйдөн 11 кишинин сөөгү табылганын Hindustan Times гезитине шилтеме берип РИА Новости жазды.
Полициядагы жеке булактардын берген маалыматына караганда турак жай дүкөн жана сүт цехине ээлик кылган ири ишкерге таандык болгон. Окуя тууралуу укук коргоо органдарына кожоюндун коңшусу кабарлаган.
"Маркумдун кошунасы адатта ишкердин эшиги дайым жабылып турарын, бу жолкусунда ачылып калганын айтып берген. Мындан улам ал үйгө кирип, кишилердин өлүп жатканына күбө болгон. Ушу тапта бул адамдар өз өмүрүнө кол салганбы, же кандайдыр бир кылмыш болгонбу, ушул багытта иликтөө жүрүп жатат", — деп айтылат полициянын билдирүүсүндө.
Өлгөндөрдүн арасында төрт эркек, үч аял жана төрт кичинекей кыз бар экени айтылды. Маркумдардын жанынан эч кандай кат же жазуулар табылган эмес.
