БИШКЕК, 8-июн. — Sputnik. Кыргызстандын футбол боюнча курама командасы Эл аралык футбол федерациясынын (FIFA) жаңыланган рейтингинде 17 сапка ылдыйлады.
Жаңы түзүлгөн тизме уюмдун расмий сайтына 7-июнь күнү жарыяланган.
Бир ай мурун Кыргызстан 75-орунда болсо, эми 92-орунга төмөндөп кетти. Буга жакында эле Азербайжан командасынан 3:0 эсебинде утулуп калган жолдоштук беттешүү себеп болгон. Ал эми атаандаштар дал ушул жеңишинен улам 21 сапка жогорулап, рейтингде 102-орунду ээлешкен.
Сап башындагы үч команда мурункудай эле өзгөрүүсүз калды. Тизменин алдында Германия, Бразилия жана Бельгия келе жатат.
