БИШКЕК, 5-июн. — Sputnik. Казакстандын жарандары өз ден соолугуна мурдагыдан олуттуу мамиле кыла баштаганын Sputnik Казакстан агенттиги жазды.
Ranking.kz сайтынын маалыматына караганда, ден соолугун камсыздандыргандар төлөгөн каражат былтыркы жылга салыштырмалуу 11,7 пайызга өсүп, 12 миллиард 800 миллион теңгеге жетти.
"Ден соолукка алдын ала кам көрүү — Казакстандагы камсыздандыруунун бардык түрлөрүнүн үчтөн бир бөлүгүн түзөт. Ал эми ден соолугу жабыркагандарга каражат төлөп берүүлөрдүн саны, тескерисинче, 5,9 пайыза төмөндөдү. Мисалы, акыркы жылда 5 миллиард 900 миллион теңге элге кайтарылды", — деп айтылат макалада.
Кыргызстанда дагы ден соолук, унаа, турак жай, мал сыяктуу маанилүү нерселерди камсыздандырса болот. Малды камсыздандыруунун жол-жобосун Sputnik агенттиги иликтеп чыкты.
