БИШКЕК, 26-май – Sputnik. Түштүк Корея америка-түндүк корея саммити болбой калгандан кийин Вашингтон менен Пхеньянды кепке келтирүүгө аракет кылууда. Бул туурасында РИА Новости жазды.
Аталган иш-чара 12-июнга пландалган. Тараптарды диалогго чакыруу боюнча кадам ташталганын Түштүк Корея президентинин маалымат катчысы Юн Ён Чхан билдирген.
"АКШ-Корея саммити боюнча маселе жарга кептелип калганда тараптардын ачык жана түз диалогунун зарылдыгы жаралды. Эки жак бири-биринин башында эмне ой турганын так билиш үчүн бетме-бет же түз сүйлөшсө майнаптуу болот", — деп айтты ал.
Юн Ён Чхан "Сеул Корей жарым аралында тынчтыкты орнотуу үчүн колунан келген арекетти жасарын" айткан.
Ал үчүн Мун Чжэ Ин менен Ким Чен Ындын буга чейин түзүлгөн мамилесинен пайдалана калуу мүмкүнчүлүгүн кароого басым жасалбай турганын кошумчалаган.
"Лидерлер учуру келгенде телефон менен сүйлөшөт", — деген ал.
Трамп саммит аталган иш-чаранын өтпөй калганы менен Ким Чен Ынга жолугууга даяр экендигин айткан. Анткен менен Түндүк Кореянын ТИМи Ке Гван алар АКШ менен саммитти каалаган форматта өткөрүүгө даяр экендиктерин айткан.
