БИШКЕК, 24-апр. —Sputnik. Иса Ахунбаев атындагы кыргыз мамлекеттик медициналык академиясы улуу жазуучу Чыңгыз Айтматовдун 90 жылдыгына карата адабий кече өткөрөт. Бул тууралуу окуу жайдын маалымат кызматы кабарлады.
Билдирүүгө ылайык, "Айтматов бар аалам толук көрүнчү" аттуу адабий кече 26-апрель күнү уюштурулат.
"Иш-чарада жазуучунун чыгармаларынын негизинде тартылган студенттердин сүрөттөрү көрсөтүлүп, кыска оюн жана тасмалардан үзүндү тартууланат", — деп жазылат маалыматта.
Адабий кечеге Айтматовдун чыгармаларына тартылган каармандар да катышат. Иш-чара 14:00дө башталмакчы.
