Дыйкандардын эсине! Жер семирткичтердин быйылкы баасы аныкталды

БИШКЕК, 5-апр. — Sputnik. Айыл чарба жана мелиорация министрлиги минералдык жер семирткичтердин (МЖС) быйылкы дүң баасы кандай болорун аларды алып келүүчү фирмалардын маалыматына таянып жарыялады.

Билдирүүгө караганда, МЖСке болгон чекене баалар дүң баадан 2-3 сомго жогору болот. Ал эми дүң баа төмөнкүчө:

— Өзбекстанда өндүрүлгөн аммиактуу селитранын килограммы – 15,15 сом;

— Россияда өндүрүлгөн аммиактуу селитранын килограммы — 17-18,5 сом;

— Өзбекстанда өндүрүлгөн карбамиддин килограммы — 16,5-17 сом;

— Россияда өндүрүлгөн карбамиддин килограммы – 19 сом;

— Казакстанда өндүрүлгөн аммофостун килограммы – 26-28 сом;

— Казакстанда өндүрүлгөн суперфосфаттын килограммы – 10-12 сом;

— Россияда өндүрүлгөн нитроаммофостун килограммы — 25 сом;

— Россияда өндүрүлгөн диаммофосканын килограммы — 30 сом;

— Белоруссияда өндүрүлгөн хлордук калийдин килограммы— 44 сом.

Министрликтен билдиришкендей, республиканын минералдык жер семирткичтерге жылдык керектөөсү 395 миң тоннаны түзсө, бүгүнкү күндө 58,7 миң тоннасы алып келинген. Анын ичинен 44 тоннасы дыйкандарга сатылды.

Жер семирткичтерди сатуучу базарлар Бишкек, Кара-Балта, Шопоков, Кызыл-Кыя жана Ош шаарларында жайгашкан, ал жактан республиканын башка аймактарына таратылат.