БИШКЕК, 25-мар. — Sputnik. Жалал-Абад шаарында ММА боюнча өлкө биринчилиги өтөт. Бул тууралуу аталган спорттун түрү боюнча федерациядан билдиришти.
Маалыматка ылайык, төртүнчү жолу өтчү чемпионат 19-21-апрель күндөрү уюштурулат. Мелдеште 18 жаштан жогору курактагы мушкерлер сегиз салмактык категория арасында күч сынашат.
Аталган спорттук иш-чаранын жеңүүчүлөрү май айында Кытайда өтчү Азия чемпионатына жолдомо алат.
