БИШКЕК, 10-мар. — Sputnik. Борбор калаада чымчыктарга уя жасоо боюнча сынак жарыяланганын "Бишкек жашыл чарба" муниципалдык ишканасынан билдиришти.
1-апрелге чейин боло турган сынакка шаар тургундары катыша алат. Каалоочулар жыгач уяларды Бишкек шаарынын Ташкент көчөсү, 17 дарегине алып келүүсү керек. Эмгеги мыкты деп аныкталгандарга баалуу белектер тапшырылып, уялар калаадагы парктарга орнотулат.
Иш-чара 1-апрель — Канаттуулардын бүткүл дүйнөлүк күнүнө карата уюштурулууда.
