БИШКЕК, 2-мар. — Sputnik. Ленин районунун жетечилиги "Ош" базарындагы мыйзамсыз соода-сатыкты токтотуу үчүн ыкчам топ түзгөнүн Бишкек мэриясынын маалымат кызматынан билдиришти.
2 Бирдин айы 2018, 12:47
Аталган топко салыкчылар, милиционерлер, Санитардык-эпидемиологиялык көзөмөлдүн, Санитардык-экологиялык инспекциянын, Ветеринардык жана фитосанитардык коопсуздук башкармалыгынын, Дары-дармек менен камсыздоо департаментинин, Жерди колдонуу жана курулуш башкармалыгынын кызматкерлери кирди.
1-март күнү башталган рейдди бийлик күн сайын өткөрүп турууну чечти.
Маалыматка караганда, атайын соода кылуу үчүн бөлүнбөгөн жерде товарларды саткандарга 2 миң сом өлчөмүндө айып салынат.
