БИШКЕК, 15-дек. — Sputnik. Көз карандысыз мамлекеттер шериктештигине мүчө өлкөлөрдүн "Үмүт" кинофоруму бешинчи жолу Бишкекте өтөт. Бул тууралуу Кинематографияны өнүктүрүү фондусунан билдиришти.
Ага ылайык, маданий иш-чара 18-20-декабрь күндөрү Бишкектеги Кино үйүндө өтүп, Ыйман, адеп жана маданият жылына арналган.
"Форумдун программасы улуттук конкурс, эл аралык конкурс жана анимациялык тасмалардын улуттук сынагы деген үч бөлүктөн турат", — деп айтылат маалыматта.
"Үмүт" форумун Кинематография департаменти уюштурууда.