БИШКЕК, 23-окт. — Sputnik. 23-октябрда саат 10:50дө (Бишкек убактысы боюнча) Россиянын Саратов облусунда Р-236 "Энгельс — Ершов — Озинки" трассасынын 103-чакырымында Honda Stepwgn үлгүсүндөгү автоунаа жол кырсыгына кабылган. Бул тууралуу КР ӨКМдин маалымат кызматы билдирди.
"Жол кырсыктын кесепетинен Кыргызстандын беш жараны (2 аял, 3 эркек) жабыркап, Федоров райондук ооруканасына жеткирилген. Айдоочу жабыркаган эмес", — деп айтылат маалыматта.
Учурда жабыркагандардын аты-жөнү такталууда.
РИА Новости агенттигинин билдиришинче, Honda Stepwgn жол жээгине чыгып, оодарылып калган.
