БИШКЕК, 16-окт. — Sputnik. Өмүрбек Бабанов шайлоо бүткөндөн кийин жубайы Рита Бабанова ага эмне деп айтканын журналисттер менен бөлүштү.
"Акыры шайлоо бүттү. Сен күчтүүсүң, келечегиң алдыда", — деп жубайым колдоо көрсөттү деди Бабанов.
Борбордук шайлоо комиссиясынын алдын ала маалыматы боюнча шайлоочулардын 54,75 пайыз добушуна ээ болгон Сооронбай Жээнбеков алдыда келе жатат. Ал эми Өмүрбек Бабанов 33,8 пайыз добуш алып, экинчи сапка чыкты.
Буга чейин Өмүрбек Бабановдун штабы шайлоонун жыйынтыгы анализден өтүп жатканын маалымдаган.
Шайлоонун улам жаңыланып турган жыйынтыгы менен Sputnik Кыргызстан агенттиги даярдаган интерактивдүү инфографикадан тааныша аласыз>>
