БИШКЕК, 9-окт. — Sputnik. Роза Отунбаеванын демилгеси эл аралык коомдук фондусу күздөн тарта майга чейин 11 акындын поэзия кечесин өткөрөт. Бул туурасында аталган фондудан кабарлашты.
Октябрдын аягынан тарта башталган ыр кечелери орус жана кыргыз тилдеринде болот.
3 Тогуздун айы 2017, 14:18
26-октябрда акын Токтосун Самудиновдун, ноябрда акын жана котормочу Вячеслав Шаповаловдун юбилейлик кечеси тартууланат.
Ал эми декабрдын 15инде Жеңишкүл Өзүбекова менен Топчугүл Шайдуллаеванын поэзия кечелери өтөт.
Ал эми жаңы жылдан баштап январда Олжобай Шакир жана Жыргалбек Касаболотовдун, февралда Элмирбек Иманалиев жана Рыспай Исаковдун, мартта Атахан Кожогулов менен Жыпар Арыкованын ыр кечелери болот. Ал эми майда Калича Жакыпованын ырлары угармандарга тартууланат.
