Вице-премьер кабылган кырсык: жүк ташуучу унаанын айдоочусу соо болгон

© Sputnik / Азамат АралбаевГибель вице-премьера Темира Джумакадырова в ДТП
Гибель вице-премьера Темира Джумакадырова в ДТП - Sputnik Кыргызстан
Жазылуу
Жол кырсыгынан вице-премьер менен кошо анын жардамчысы жана айдоочусу каза болгон

БИШКЕК, 7-окт. — Sputnik. Вице-премьер Темир Жумакадыров бараткан жол тандабас менен кагышкан жүк ташуучу унаанын айдоочусу медициналык кароодон өттү. Бул тууралуу Sputnik Кыргызстан агенттигинин кабарчысына ИИМдин маалымат кызматынан кабарлашты.

Жумакадыров 7-октябрь күнү Москва районуна караштуу Садовое айылында жол кырсыгына кабылып, көз жумду. Жүк ташуучу унаа менен Land Cruiser кагышкан. Окуя болгон жерде вице-премьер менен кошо анын жардамчысы жана айдоочусу көз жумган. Алар жол тандабастын салонунда болушкан. 

"Экспертиза жүк ташуучу унаанын айдоочусу мас абалында болбогонун көрсөттү. Ал убактылуу кармоочу жайга киргизиле элек. Сурак уланып жатат. Тергөө амалдары менен ИИМдин кызматкерлери алектенет. Аларга иштин бардык материалдары өткөрүлүп берилди", — деп маалымат кызматынан билдиришти.

Жумакадыров буга чейин Коопсуздук кеңешинин катчысы болуп эмгектенген.

Темир Жумакадыров жана анын жардамчысы менен айдоочусу каза болгон жол кырсыгы тууралуу акыркы маалыматтарды Sputnik Кыргызстан агенттигинин тексттик трансляциясынан окуңуздар>>

Жаңылыктар түрмөгү
0