БИШКЕК, 4-окт. — Sputnik. Вице-премьер Дүйшөнбек Зилалиевге катуу сөгүш жарыяланганын өкмөттүн маалымат кызматы билдирди. Тийиштүү буйрукка премьер Сапар Исаков кол койду.
Дисциплинардык мындай чечим Боршайкомдун 24-сентябрдагы чечиминин негизинде кабыл алынган. Анда Зилалиевге карата катуу чара көрүлүшү керектиги айтылган.
Белгилей кетсек, буга чейин айрым маалымат каражаттары Зилалиев президенттик үчүн ат салышып жаткан талапкердин бирин колдоду деп жазып, анын сөзү жарыяланган.
Мындан улам премьер-министр Сапар Исаков Зилалиевге эскертүү берип, аны республикалык штабдын жетекчилигинен четтеткен. Төрагалык милдетти учурда Темир Жумакадыров аткарууда.
