БИШКЕК, 22-сен. — Sputnik. Facebook компаниясы Кызыл Чырым уюмунун Мексикадагы бөлүмүнө жер титирөөдөн жабыркагандарга жардам катары миллион доллар бөлөт. Бул тууралуу социалдык тармактын негиздөөчүсү Марк Цукерберг өзүнүн баракчасына жазды.
20 Аяк оона 2017, 10:18
Ал ошондой эле Facebook БУУнун балдар фонду (UNICEF) менен кызматташып жатканын билдирген. Мындан сырткары, Мексика үчүн берилип жаткан кайрымдуулук акчаларынан комиссия алынбай турганын кошумчалады.
Эске салсак, 19-сентябрда Мексикада күчү 7,1 магнитудага жеткен жер титиреп, анын кесепетинен акыркы маалыматтар боюнча 230 киши каза болгон. Учурда дүйнөнүн бир катар мамлекеттери Мексикага жардам берүү операцияларын жүргүзүүдө.
