БИШКЕК, 20-сен. — Sputnik. Ноябрь айынын орто ченинде белгилүү акын, драматург жана сатирик Мидин Алыбаевдин 100 жылдыгы белгиленет. Бул тууралуу Маданият, маалымат жана туризм министрлигинин маалымат кызматы билдирди.
Мидин Алыбаев 1917-жылы Нарындын Жумгал районуна караштуу Чаек айылында туулган. 1937-жылы анын "Бактылуу жаштык" деп аталган биринчи ырлар жыйнагы жарык көргөн.
Алыбаевдин "Маяковскийге поэзиялык отчет" публицистикалык поэмасы, "Курорттогу окуя", "Жантектин керээзи" аттуу пьесалары белгилүү болгон. Сатирик катары ал "Акчүч" "Балтек жөнүндө баян", "Кызматтан түшкөн короз", "Карга менен сагызган", "Бак жана жылан", "Түлкү менен кашкулак" сыяктуу бир топ тамсилдерди жаратып, өтө көйгөйлүү темаларды сатиралык маанайда терең ачып берген.
