БИШКЕК, 10-сен. — Sputnik. Кыргызстан мусулмандар дин башкармалыгы менен Кытайдын Дин иштери боюнча комитети мындан ары тыгыз кызматташат. Бул тууралуу муфтияттан билдиришти.
Анда тараптар биргеликте кызматташууну жакшыртуу, экстремизм, террорчулук менен күрөшүү, дин кызматкерлеринин квалификациясын жогорулатуу, салттуу баалуулуктарды сактап калуу жаатында пикир алышты.
"Коңшу мамлекеттердин кызматташуусу, достук алакалары мындан дагы бекемдейт. Кыргызстан мусулмандарынын дин башкармалыгы Кытайдын Дин иштери боюнча комитети, Кытай ислам бирикмеси менен ар тараптуу кызматташууга даяр", — деген Токтомушев.
Ал эми Чжан Яньтун 2018-жылы Кыргызстан мусулмандарынын дин башкармалыгы тарабынан өткөрүлө турган эл аралык конференцияга көмөк көрсөтүүгө даяр экендигин айтты.
